VIUNGO 10 AMBAVYO NI LAZIMA KUWA NAVYO JIKONI KWANGU,JE WEWE VYAKO NI VIPI?

1.     PASTA

 Hiki ni chakula cha haraka.Unaweza kutayarisha pasta kwa kuongeza tu protini ulizonazo katika jokofu lako mfano kuku,nyama ya kusaga, kamba(prawns) n.k.Ili kuzifanya pasta zako ziwe tamu  pasha  ½ kikombe cha  mafuta ya zeituni(olive oil) kikaangoni,weka spinachi,nyanya au uyoga.Pika kwa dakika 3 au mpaka mboga zilainike. Ongeza chumvi na pilipili(kama unatumia pilipili).Changanya pasta zako ambazo zimepikwa tayari katika mchanganyiko huu wa mboga.

2.  CHICKEN BROTH OR BOUILLON

 Unaweza kutengeneza mchuzi au supu kwa kutumia chicken broth pamoja na viungo vingine ulivyonavyo jikoni kwako na kupata mlo mzuri kabisa. Mfano unaweza kuongeza mbogamboga au nyama nk.Unaweza kutumia hii katika kuongeza ladha kwenye kuku wa kuoka,kupikia wali na hata mbogamboga badala ya kutumia maji.

3.    MBOGA ZILIZOGANDISHWA/ZILIZOHIFADHIWA KATIKA KOPO

Unaweza kuzipasha kwa kuchanganya na chicken broth ukapata mchuzi au supu.Unaweza kuongeza ladha kwa kutupia vipande vya kuku na viungo vingine utakavyo kuweka ladha.

4.    KUKU

 Unaweza kupika kuku katika njia nyingi tofauti.Unaweza kuchanganya na mbogamboga, kumchoma/kuoka, kukaanga n.k.Mimi binafsi kuku na samaki zinakamilisha kabisa mlo wangu na huwa havikosekani jikoni kwangu.Kuku nzuri kuwa nayo ni ambayo ambayo imetolewa mifupa.

5.    VIAZI

Viazi kama ilivyo kwa kuku,huweza kutumika kutayarisha idadi kubwa ya chakula.Viazi huweza kutumika katika supu au mchuzi.Vilevile vinaweza kuokwa, kuchemshwa, kukaangwa katika aina nyingi tofauti.

6.    MAYAI

Hiki ni kiungo kikubwa na muhimu sana jikoni.Mayai hayatumiki kwa kifungua kinywa tu, huweza vilevile kutumika kutengeneza vyakula kamili.

7.    NYAMA YA KUSAGA

Hiki ni kiungo muhimu kwani unaweza kutengeneza vyakula tofauti kwa kutumia nyama ya kusaga mfano mkate wa nyama,meat balls, tacos, hamburgers n.k.Unaweza kuongeza ladha kwa kuongeza kitunguu thoum, pilipili manga/pilipili ya unga,chumvi n.k

8.    MCHELE

 Mchele unaweza kutumika kutengeneza mlo kamili  mfano  risotto, sushi, supu ya kuku na mchele, jambalaya au pilau. Aina tofauti za mchele zijulikanazo ni arborio, jasmine, basmati n.k

9.    NYANYA YA KOPO/BOKSI

:Nyanya ni kiungo muhimu katika mchuzi au supu. Unaweza kuchanganya nyanya na viungo tofauti na kutengeneza sosi yako mwenyewe kwaajili ya pizza au pasta.

10. BACON

Unaweza kutupia bacon katika pasta, viazi au supu na kuongeza ladha katika mlo wako.