Mengi awazawadia washindi

Mwenyekiti wa Makampuni ya IPP, Reginald Mengi (kulia) akizungumza na washindi wa shindano la ‘Kutwit’ kuondoa umaskini Tanzania kabla ya kuwakabidhi zawadi zao ofisini kwake Dar es Salaam jana. Kuanzia kushoto ni mshindi wa tatu, Emmanuel Maduhu, mshindi wa pili, John Mkungu na mshindi wa kwanza, Tony Alfred. Na Mpigapicha Wetu. 

Dar es Salaam. Mfanyabiasha wa kahawa,Tony Afred ameibuka  mshindi wa shindano la kutwiti wazo la kuondokana na umaskini linalodhaminiwa na Mwenyekiti Mtendaji wa Makampuni ya IPP,  Dk Reginald Mengi.

  Afred ambaye anafanya biashara ya kuuza kahawa kwa vikombe katika shindano hilo,amejinyakulia Sh1 milioni baada ya kutwiti swali lililoulizwa ‘kijana asiyekuwa na ajira wala fedha anaweza kuanza kujijenga kiuchumi? Ambapo alijibu kuwa  popote kijana alipo asijali kwamba hana fedha wala ajira bali aangalie ni nini anachoweza kuifanyia jamii na huo ndiyo utakuwa mtaji wake.

 Kutokana na majibu hayo twiti yake iliweza kuingia mara tano katika kumi bora na kuibuka ya kwanza ambapo aliwaasa  vijana wachukue  wazo hilo na kulifanyia kazi ipasavyo  kwani  hawataweza kupata shida.

  “Mtu yoyote akipata wazo hili atajua mahali pa kuanzia  na hatimaye kujikwamua kiuchumi,” alisema Alfred.

  Mshindi wa pili John Mkungu ambaye alipata Sh500,000 alitwiti kuwa, kijana  anatakiwa atambue fursa anayoipenda na kuimudu  aanze kujitolea, ubora wa huduma ukijulikana  watu watamfuata.

Maduhu Jumanne, alipata Sh300,000,kwa kutwiti kuwa kama kijana yupo kijijini anaweza kulima na akiuza mazao  yake anaweka akiba, kama yupo mjini anatafuta vibarua na kuweka akiba  hatimaye kuwa mjasiriamali.  Dk Mengi alisema shindano hilo ni la tatu na litakuwa endelevu huku twiti zilizopatikana zinafanyiwa utaratibu wa kuwekwa ili zisambazwe katika shule  na vijana watapata fursa ya kusisoma.

CHANZO: Mwananchi