NILICHOJIFUNZA KATIKA MISS WORLD 2014

Miss Tanzania, Happiness Watimanywa

Leo nilipata wasaa wa kuangalia mashindano ya miss world yaliyofanyika nchini Uingereza.Nimejifunza mengi sana katika mashindano hayo ila jambo kubwa nililoliona ni kuwa ili kumtengenezea  mazingira mshiriki wa nchi kushinda mashindano hayo anahitaji ushirikiano mkubwa katika nchi yake.Hii yote ni katika kumfanya ajulikane na watu wapende kumfuatilia katika kila anachofanya.Happiness kama mshiriki asingeweza kufanya kila kitu mwenyewe.Kuna mambo ambayo yalikuwa ni jukumu lake binafsi ila mengi makubwa ambayo ndiyo chanzo cha ushindi yalitakiwa kufanywa na wadau ikiwamo kamati ya Miss Tanzania.Nilivyoona ni kama vile Happiness alitelekezwa.Naamini kama angepata ushirikiano kama walivyopewa washiriki wengine na nchi zao angeweza kufanya vyema.

Kama hatutabadili mwenendo huu itatuchukua muda mrefu sana kutokufanya vizuri. Kama hatuwezi kuwapa ushirikiano washiriki wetu ni bora tujitoe katika mashindano haya mpaka hapo tutakapokuwa tayari.

Hongera Happiness kwa kutuwakilisha katika mazingira magumu.

Mungu ibariki Tanzania.

Anna Nindi, Stockholm, Sweden