SIKU YA WANAWAKE DUNIANI,JE HAKI ZAO ZINATIMIZWA?

Wanawake wanakwenda umbali mrefu kutafuta maji

Marehemu Zuhura Juma ambaye aliuliwa na mumewe huko Tabora

Mwanzoni mwa mwaka huu,mwanamke huyu (pichani) alimwagiwa maji ya moto ya kusongea ugali na mume wake baada ya kuchuma mahindi mawili shambani kwao bila hidhini ya mume wake.

Leo ni siku ya wanawake duniani.Siku hii ni ya kufanya tathmini kwa maisha ya wanawake wote duniani ikiwemo kuangalia haki zao za msingi kama zinapatikana. Haki hizo ni kama uzazi salama, kutokuwepo ukatili wa kijinsia dhidi yao n.k.

Bado tunashuhudia kuwa wanawake ndiyo wazalishaji wakubwa katika familia nyingi.Wanawake ndiyo walezi wa watoto. Wanawake wanafanyiwa ukatili kila siku ikiwemo kutelekezwa na watoto, kupigwa, kubakwa na kutumika kama chombo cha uzalishaji(kuleta kipato katika familia). Katika nchi nyingi masikini na zinazoendelea,huduma ya uzazi/afya kwa wanawake ni duni hivyo kupelekea wengi kupoteza maisha wakati wa kujifungua.

Wanawake wa vijijini ndiyo wanapata adha zaidi. Je msomaji,unapenda kutoa mawazo gani juu ya siku hii?Ni lini mwanamke atapata ukombozi wa kweli? Ni lini atapata usawa anaouhitaji?

Imeandikwa na Anna Nindi

                HAPPY WOMEN´S DAY!