MKATE WA KUMIMINA

Nimebidi niweke tena hii recipe kutokana na maombi mengi niliyopata.Kazi kwako mdau!

Mkate wa kumimina

Mahitaji

• 2 Vikombe Unga wa mchele
• ¾ kikombe Sukari
• 1¾kijiko cha chakula  hamira  kavu
• 1 kjc unga wa hiliki                 *kjc-kijiko cha chai
• Ute wa yai 1
• 1 ½ Tui la nazi
• Mafuta ya kula kwa kupaka katika kifaa cha kuokea mkate

FANYA HIVI       

1.  Changanya unga wa mchele, sukari, hamira, hiliki katika bakuli kubwa.
2.  Ongeza tui la nazi likifuatiwa na ute wa yai na changanya vizuri. Funika mchanganyiko wako kwa kitambaa
3. Acha mchanganyiko wako uumuke kwa dakika 30-45. Mimina mchanganyiko katika chombo cha kuchomea
4.  Pasha moto tanuri(oven) katika nyuzi joto 375 °F au 190 °C
5. Choma mkate wako kwa dakika 20 
6. Ili kujua kama upo tayari tumbukiza kijiti(toothpick) au njiti ya kibiriti na kama umeiva kijiti chako kitakuwa kikavu.
7. Uache upoe kabisa
8.   Mkate wako ni tayari na unaweza kula na chai yeyote uipendayo!