JUISI YA BUNGO

Hii ni moja kati ya juisi nizipendazo.Mabungo hulimwa  Zanzibar ila hupatikana Dar es salaam pia.

Tunda la bungo linavyoonekana. Hizi mbegu za ndani, zikichanganywa 

na maji,ndiyo hutengenezwa juisi.

MAHITAJI

Vipimo: Kupata takriban gilasi 6

3 Mabungo                                                    

6-7 glasi za maji                                                            

Sukari kiasi upendacho                                                       

*Chumvi kidogo sana   (Chumvi hukata uchachu)

Juisi ya bungo

FANYA HIVI

1.  Kata mabungo na toa mbegu zake na weka katika mashine ya kusagia.

2. Weka maji, sukari na chumvi usage kidogo tu.

3.  Chuja,mimina katika jagi weka katika friji.

4.  Mimina katika glasi na furahia juisi yako.

DOKEZO: Unaweza kunywa juisi ya bungo kwa kitafunwa upendacho au na mlo upendao.Ni nzuri sana ikinywewa ya baridi.